ЛАБОРАТОРИЯ ИНФОРМАЦИОННЫХ ТЕХНОЛОГИЙ
Tänäpäi on piätenčy, 19. sulakuudu 2024
Учебник PAGIZEMMO KARJALAKSE.
Автор Ольга Жаринова
RUNOT. СТИХИ
|
|
Karjalaine sana
|
|
| |
Kuule, pagize omal kielel,
Kuni on vie kenenke paista.
Kuni sizär, velli on rinnal,
Heile karjalan kielel vastua.
Sinä tuskua et tiijä sidä,
Gu et olluh vierahal rannal.
Sie kai toizin sanella pidäy,
Sie se ei päi karjalan sana.
Sie gu sanazen oman kuulet,
Rounu siivet temmatah ilmah.
Rounu omal rannalpäi tuuli
Nostau kyynälet sinun silmih.
Toiči elos sanazen meijän
Rajois läbi loitokse kandau.
Sanoil sežo, gu rahvahil meil,
Kuule, sežo on oma randu.
|
|
| |
Z. Dubinina
|
|
|
Kodoimuale
|
|
| |
Eräs "linnunmaiduo" eččiy,
Eräs - "počinsarvie".
Millo - olisbo vai meččy,
Oldasbo vai järvet.
Olis ainos kevätkägöi,
Stolal leiby-suolu,
Da vie inehmine - jagua
Pahamieli puolei.
Ymbärdäs vai pedäjikön
Tuhmu kirves ovi.
Kuulus tiketändy tikan,
Kudos joves lohi.
Engo eččis "počinsarvie",
Engo "maiduo linnun",
Nägizin vai minä harvem
Revus järven pinnan.
Olisbo vai kodoilale
Muamanpido lämmin,
Tervehenny olis jalo
Ruadai talmukämmen.
Kestän kai, mi ozal pandu...
Maido - vältäy kaivos...
Olisbo vai, Kodoirandu,
Selgei sinun taivas...
|
|
|
Midä minä suvaičen
|
|
| |
Suvaičen kezäl kebjiedy tuuldu,
lapsi kui abein säräittäy huuldu.
Suvaičen koirua, suvaičen kažii,
elostu kui vai voit suvaija läžii.
Suvaičen koivuu kazvajua pihas,
šiiloihgi en ole ainažes vihas.
Suvaičen vihmua - vembelen tähte.
Suvaičen taivastu sagenah tiähtil.
Suvaičen Anukseh siirättiä ajua,
kuunnella suvaičen livvikse pajuo.
Suvaičen konzu sa muhižet silmil,
lienöy kai peitetty ihalmo ilmi...
|
|
| |
Vladimir Brendojev
|